Home Contact Phone
background
  • Ünvan: Az-1100, Yasamal rayonu, Mətbuat prospekti, 37a
  • Faks: (+99412) 533-08-06
  • E-mail: mail@yasamal-ih.gov.az

Xəbərlər

  • Yasamal rayon İcra Hakimiyyətində Dövlət Qull...

    Yasamal rayon İcra Hakimiyyətində Dövlət Qulluqçularının Peşə Bayramı qeyd olunub

    2021-06-23

    23 iyun Dövlət Qulluqçularının Peşə Bayramı Günü münasibəti ilə Yasamal rayon İcra Hakimiyyətində təltifetmə mərasimi keçirilib. Tədbiri giriş sözü ilə açan Yasamal rayon İcra Hakimiyyətinin başçısı Elşad Həsənov RİH aparatı işçilərini təbrik edərək onlara peşə fəaliyyətində uğurlar arzuladı. Azərbaycan Prezidenti cənab İlham Əliyevin “Hər bir şəxs bilməlidir ki, dövlət qulluğunda olmaq imtiyaz deyil, məsuliyyətdir, insanalara xidmət imkanıdır” sözlərini xatırladan Elşad Həsənov dövlət qulluqçularını fəaliyyətlərində bu sözləri daima rəhbər tutmağa səslədi.

  • Yasamal rayonunda küçə və yollar təmir olunur

    Yasamal rayonunda küçə və yollar təmir olunur

    2021-06-22

    İnsanların rahat gediş-gəlişi üçün paytaxtın Yasamal rayonunun bir sıra küçə və prospektlərində təmir-tikinti işləri aparılır. Rayonun Murtuza Muxtarov küçəsinin Bəsti Bağırova küçəsi ilə kəsişməsindən Süleyman Rəhimov küçəsi ilə kəsişməsinədək olan hissəsində təmir işləri həyata keçirilir.Uzunluğu 900 metr təşkil edən küçə boyu köhnə asfalt-beton örtüyünün yenilənməsi icra olunur.

  • Yasamal rayon İcra Hakimiyyətində Milli Qurtulu...

    Yasamal rayon İcra Hakimiyyətində Milli Qurtuluş Günü ilə əlaqədar konfrans keçirilib

    2021-06-14

    Yasamal rayon İcra Hakimiyyətinin təşəbbüsü ilə “15 iyun –xalqın və dövlətin qurtuluş günü” mövzusunda videokonfrans keçirilib.Tədbirdə nitqlə çıxış edən Yasamal rayon İcra Hakimiyyətinin başçısı Elşad Həsənov qeyd etdi ki, 1993-cü ildə Azərbaycan çox ağır bir durumla üzləşmişdi: bir tərəfdən erməni işğalçıları, digər tərəfdən isə daxili düşmənlər və iqtisadi böhran Azərbaycan dövlətinin mövcudluğunu sual altına qoymuşdu. AXC-Müsavat hakimiyyəti ölkəni iflas həddinə çatdırmışdı.Belə şəraitdə 1993-cü ildə Ümummilli Lider Heydər Əliyev tarixi xilaskarlıq missiyasını öz üzərinə götürdü.

  • Heydər Əliyevin qaydışı Azərbaycan – Türk...

    Heydər Əliyevin qaydışı Azərbaycan – Türkiyə əməkdaşlığında yeni mərhələ açdı

    2021-06-12

    Azərbaycan xalqı 1990 və 1991-ci illərinin əvvəlində məşəqətlərlə, ədalətsizliklərlə və haqsızlıqlarla üzləşdi. Xalq yalnız ulu öndər Heydər Əliyevin adı ilə sabaha olan ümidini itirmədi. Həmin dövrdə respublikaya rəhbərlik fərasətsiz və naşı adamların əlinə keçmişdi. Xalqın adından geninə-boluna danışan, onun etimadından sui-istifadə edərək hakimiyyətə yiyələnənlər verdilkəri vədləri tez bir zamanda unutmuşlar. Bundan istifadə edən xarici qüvvələr daxildəki satqınların əli ilə Azərbaycanı parçalamağa çalışırdılar.

  • Ulu Öndərin hakimiyyətə qayıdışı Azərbayc...

    Ulu Öndərin hakimiyyətə qayıdışı Azərbaycan dövlətçiliyinin xilası oldu

    2021-06-10

    1991-ci il oktyabrın 18-də Azərbaycanın dövlət müstəqilliyi haqqında Konstitusiya Aktı qəbul olundu, ölkəmizin dövlət müstəqilliyi bərpa edildi. Azadlığı “zərrə-zərrə”, “qram-qram” istəməyən xalqın müstəqillik mübarizəsi imperiyanın ilhaq zəncirini parçaladı. Dünya dövlətləri Azərbaycanın müstəqilliyini tanıdı. Ölkəmiz yenidən müstəqilliyinə qovuşdu.

  • Yasamal sakinləri üçün yeni futbol meydanças...

    Yasamal sakinləri üçün yeni futbol meydançası istifadəyə verilib

    2021-06-09

    Paytaxtın Yasamal rayonu ərazisində rayon İcra Hakimiyyəti, Azərbaycan Futbol Federasiyaları Assosiyasiyası (AFFA) və Yasamal bələdiyyəsi tərəfindən birgə inşa olunmuş yeni süni örtüklü meydança sakinlərin istifadəsinə verilib. Tədbirdə Yasamal rayon İcra Hakimiyyətinin başçısı Elşad Həsənov AFFA-nın icraçı vitse-prezidenti Elxan Məmmədov, Milli Məclisin deputatı Elnur Allahverdiyev, Yasamal bələdiyyəsinin sədri Tahir Məmmədov və digər rəsmi şəxslər iştirak ediblər.Açılış mərasimində çıxış edən Yasamal rayon İcra Hakimiyyətinin başçısı Elşad Həsənov qeyd etdi ki, “5 mərtəbə” kimi tanınan ərazidə yeni meydançanın istifadəyə verilməsi yerli sakinlərin asudə vaxtını səmərəli keçirmələri üçün gözəl imkan yaradacaq.Həmçinin qeyd olundu ki, Azərbaycan futbolunun əfsanəsi, tanınmış hakim Tofiq Bəhramov vaxtilə bu binada yaşayıb.

  • Yasamal gəncləri peyvəndləmədə fəal iştira...

    Yasamal gəncləri peyvəndləmədə fəal iştirak edir

    2021-05-31

    Paytaxtın Yasamal rayonunda koronavirus pandemiyasına qarşı tədbirlər yeni mərhələyə daxil olub. Yasamal rayonu sakinləri, xüsusən də gənclər, davam edən vaksinasiyada fəal iştirak edirlər. Yasamal rayon İcra Hakimiyyəti peyvəndlənmənin mütəşəkkil qaydada aparılması üçün müvafiq yerli idarə və təşkilatlarla qarşılıqlı fəaliyyət göstərir.

  • Azərbaycan Xalq Cümhuriyyətinin yaradılması t...

    Azərbaycan Xalq Cümhuriyyətinin yaradılması tarixi hadisə idi

    2021-05-27

    Dövlətçilik tarixi min illərin o üzü ilə səsləşən Azərbaycanda da dövlətlərarası münasibətlər bəzən tarixi ədalətsizliklərlə üzləşib. Müharibələrdə ərazi qazanan da olur, ərazi itirən də. Dövlətlərarası münasibətlər bəzən üçüncü dövlətin dövlətçiliyinin itirilməsinə səbəb olur. Gülüstan müqaviləsindən sonra Azərbaycanın əraziləri hesabına Rusiya ilə İranın ərazisi genişləndi. Araz çayı ayrılıq çayına döndü. Dünyada eyni ərazinin (dövlətin) ikiyə bölünməsi ilə “o tay, bu tay” ifadəsı yarandı. Xalq bu ayrılığı tarixin bir mərhələsi kimi yaşamadı, iki dövlətin dövlətçiliyimizə qəsdi kimi yaşadı. Xalqın azadlıq, müstəqillik mübarizəsi tarixin yaddaşını da silkələdi. Tarix gördü ki, bu xalq kimdənsə, kimlərdənsə asılı tarix (vassal tarixi) yaşamaq istəmir və yaşamayacaq.

  • Yasamal sakinləri fəal şəkildə peyvənd olunu...

    Yasamal sakinləri fəal şəkildə peyvənd olunur

    2021-05-20

    Paytaxtın Yasamal rayonunda koronavirus pandemiyasının yaratdığı təhlükənin qarşısının alınması məqsədilə profilaktik tədbirlər intensivləşib. Yasamal rayonu sakinləri ölkədə davam edən vaksinasiyada mütəşəkkil qaydada iştirak edir. Yasamal rayonundakı müxtəlif idarə və müəssisələrin əməkdaşları, həmçinin yerli sakinlər fəal şəkildə peyvənd olunur.Yasamal rayon İcra Hakimiyyəti peyvəndlənmənin mütəşəkkil qaydada aparılması üçün digər aidiyyatı qurumlarla əlaqələdirilmiş fəaliyyət göstərir.

  • Vətən Müharibəsi şəhidi dəfn edildi

    Vətən Müharibəsi şəhidi dəfn edildi

    2021-05-20

    2-ci Fəxri Xiyabanda Vətən Müharibəsində şəhid olan hərbçi Təbriz İbrahimovun dəfn mərasimi keçirilib. Dəfn hərbi orkestrin müşayiəti ilə keçirilib və yaylım atəşi açılıb.

  • Azərbaycanın gözü olan Şuşada “Xarıbülb...

    Azərbaycanın gözü olan Şuşada “Xarıbülbül” musiqi festivalının keçirilməsi Zəfər yürüşümüzün təntənəsidir

    2021-05-16

    Azərbaycanın gözü olan Şuşada Heydər Əliyev Fondunun təşkilatçılığı ilə “Xarıbülbül” musiqi festivalının keçirilməsi Zəfər yürüşümüzün təntənəsi, kulminasiya nöqtəsi oldu. Vətən oğullarının qanı ilə suvarılan torpaqda, Cıdır düzündə bir-birindən rəngarəng musiqi sədalarının yüksəlməsi və ən əsası, illərdir ki, ürək sızıltısı ilə dinlədiyimiz “Qarabağ” şikəstəsinin, “Bayatı-Şiraz”ın səslənməsi qəlbimizə su çilədi, bizi qürurlandırdı.

  • Yasamal sakinlərinə bayram sovqatları paylanıl...

    Yasamal sakinlərinə bayram sovqatları paylanıldı

    2021-05-13

    Ramazan bayramı ilə əlaqədar Yasamal rayon İcra Hakimiyyətinin təşəbbüsü və Milli Məclisin Yasamal rayonundan olan deputatı Ülvi Quliyevin dəstəyi ilə aztəminatlı ailələrə ərzaq sovqatları paylanılıb.Yasamal rayonu sakini olan və yardıma ehtiyacı olan şəhid, qazi, əlil, tənha və kimsəsiz şəxslərin ünvanlarına xüsusi sovqatlar çatdırılıb.

  • Ümummilli Lider Heydər Əliyevin anadan olmasın...

    Ümummilli Lider Heydər Əliyevin anadan olmasının 98-ci ildönümü ilə əlaqədar agacəkmə aksiyası

    2021-05-10

    Ümummilli Lider Heydər Əliyevin anadan olmasının 98-ci ildönümü ilə əlaqədar Yasamal rayoununda agacəkmə aksiyası keçirilib. Aksiyada Yasamal rayon İcra Hakimiyyətinin başçısı Elşad Həsənov, millət vəkilləri ÜlviQuliyev və Elnur Allahverdiyev, Bakı Dövlət Universitetinin rektoru Elçin Babayev, rayonun hüquq-mühafizə orqanlarının rəhbərləri, rayon ictimaiyyətinin nümayəndələri və təsərrüfat xidmətlərinin rəhbərləri iştirak ediblər.

  • Yasamal rayon Icra Hakimiyyətinin başçısı vet...

    Yasamal rayon Icra Hakimiyyətinin başçısı veteranları ziyarət edib

    2021-05-09

    Yasamal rayon Icra Hakimiyyətinin başçısı Elşad Həsənov 1941-1945-ci illərin Böyük Vətən müharibəsində faşizm üzərində Qələbənin ildönümü münasibətilə Yasamal rayon sakinləri olan bir qrup veteranı evlərində ziyarət edib. Elşad Həsənov onların gündəlik qayğıları ilə maraqlanıb və can sağlığı arzulayıb.Veteranlara ərzaq sovqatları təqdim edilib. Yasamal rayon Icra Hakimiyyətinin başçısı qeyd etdi ki, Azərbaycan rəhbərliyi veteranlara hər zaman qayğı göstərir. Elşad Həsənov Azərbaycan Prezidenti cənab İlham Əliyevin “1941–1945-ci illərdə İkinci Dünya müharibəsində iştirak etmiş şəxslərə, həlak olmuş və ya sonralar vəfat etmiş döyüşçülərin dul arvadlarına, arxa cəbhədə fədakar əməyinə görə orden və medallarla təltif edilmiş şəxslərə birdəfəlik maddi yardım verilməsi haqqında” Sərəncam imzaladığını qeyd etdi.

  • Yasamal rayon İcra Hakimiyyətində Ümummilli Li...

    Yasamal rayon İcra Hakimiyyətində Ümummilli Lider Heydər Əliyevə həsr edilmiş konfrans keçirilib

    2021-05-08

    Yasamal rayon İcra Hakimiyyətinin təşəbbüsü ilə Ümummilli Lider Heydər Əliyevin anadan olmasının 98-ci ildönümünə həsr edilmiş “Heydər Əliyev və Azərbaycanın müstəqillik məfkurəsi” mövzusunda videokonfrans keçirilib.Tədbirdə nitqlə çıxış edən Yasamal rayon İcra Hakimiyyətinin başçısı Elşad Həsənov qeyd etdi ki, Ulu Öndər Heydər Əliyev 20-ci əsrin ikinci yarısı və 21-ci əsrin əvvələrində Azərbaycanda böyük tarix yazıb. Belə ki, hələ sovet dönəmində Heydər Əliyev Azərbaycanda misilsiz işlər görmüşdü: yeni sənayə müəssisələrinin yaradılması, milli kadrların hazırlanması, kənd təsərrüfatına dəstək və digər addımlar o zaman Azərbaycanın simasını dəyişdi.Lakin Heydər Əliyevin tarixi missiyası hələ irəlidə idi.1993-cü ildə Azərbaycanı böyük fəlakətdən xalqın təkidi ilə hakimiyyətə yenidən qayıdan Ümummilli Lider Heydər Əliyev qurtardı. 1993-cü ilin iyununda vətəndaş qarşıdurması ilə üz-üzə qaldığı bir vaxtda xalqımız öz taleyini məhz Heydər Əliyevə etibar etdi. Xalqın təkidi ilə hakimiyyətə qayıdan Heydər Əliyev siyasi təcrübəsi və sarsılmaz iradəsi sayəsində ölkəni vətəndaş müharibəsi təhlükəsindən qurtardı.

  • Ulu öndərin azərbaycançılıq ideologiyası bu...

    Ulu öndərin azərbaycançılıq ideologiyası bundan sonra da qüdrətli olacaq

    2021-05-07

    Böyük tarixi şəxsiyyətlər yaşadığı illərdə də, sonrakı dövrlərdə də sonrakı tarixin cığırdaşı olur. Dünyəvi proseslər təsdiqləyir ki, böyük tarixi şəxsiyyətlər tarix yaratmır, tarixin istiqamətini mənsub olduğu xalqın mənafeyinə yönəltməyə də qadirdir. İyirminci əsrin siyasət fenomeni Heydər Əlirza oğlu Əliyev belə tarixi şəxsiyyət idi. Bəşəriyyət duyurdu, görürdü, bilirdi və inanırdı ki, böyük tarixi şəxsiyyətlər ömrünü milli-xəlqi ruhun yaşadılmasına həsr edir. Buna ən bariz nümunə Heydər Əliyev ömrüdür.

  • Ümummilli Liderin anadan olmasının 98-ci ildnö...

    Ümummilli Liderin anadan olmasının 98-ci ildnönümünə həsr edilmiş tədbir

    2021-05-06

    Bu gün Ümummilli Lider Heydər Əliyevin anadan olmasının 98-ci ildnönümünə həsr edilmiş “Qlobal iqtisadi çağırışlar:Azərbaycanın işğaldan azad olunmuş ərazilərində sosial-iqtisadi inkişafın əsas istiqamətləri” mövzusunda videokonfrans keçirilib.Tədbiri giriş sözü ilə açan Bakı Biznes Universitetinin rektoru İbad Abbasov Ulu Öndərin Azərbaycan tarixində oynadığı roldan söz açdı və bu gün Qarabağın bərpasının əsas istiqamətlərindən bəhs etdi.

  • Yasamal rayonunda məişət tullantıları üzrə ...

    Yasamal rayonunda məişət tullantıları üzrə yeni layihəyə start verilib

    2021-05-03

    Artıq bir neçə gündür ki, paytaxtın Yasamal rayonunda bərk məişət tullantılarının yığılması, daşınması və çeşidlənməsi üzrə layihənin icrasına start verilib. Bununla Yasamal rayonu da Bakı Şəhər İcra Hakimiyyəti və Böyük Britaniyanın Mott MacDonald şirkətinin birgə həyata keçirdiyi layihəyə qoşulmuş oldu.

  • Yasamal rayon İcra Hakimiyyətində gənclərlə ...

    Yasamal rayon İcra Hakimiyyətində gənclərlə görüş keçirilib

    2021-05-01

    Bu gün Yasamal rayon İcra Hakimiyyətində bir qrup Yasamal gənci ilə görüş keçirilib. Görüşü giriş sözü ilə açan Yasamal rayon İcra Hakimiyyətinin başçsı Elşad Həsənov qeyd etdi ki, Yasamal rayonunda gənclərin ictimai təsiri və çəkisi böyükdür və burada bir çox nüfuzlu ali və orta məktəblər fəaliyyət göstərir. Bu baxımdan gənclərinYasamal rayonunun ictimai-siyasi həyatında oynadığı rol da fərqlidir. Yasamal rayon İcra Hakimiyyətinin başçsı 44 günlük Vətən müharibəsində iştirak etmiş bir çox gənc əsgər və zabitin məhz Prezident İlham Əliyevin hakimiyyəti illərində təlim və tərbiyyə aldıqlarını xatırlatdı.Qeyd olundu ki, Vətən müharibəsi başlayanda ordu sıralarına minlərlə Yasamal gənci qoşuldu.Elşad Həsənov müasir gənclərin Prezident İlham Əliyevin kadr siyasətində xüsusi yer tutduqlarını qeyd etdi. Yasamal rayon İcra Hakimiyyətinin başçsı gəncləri dövlət başçısının siyasətini ardıcıl və əzmkarlıqla müdafiə etməyə çağırdı.

  • Yasamal İcra Hakimiyyətində Çernobıl əlillə...

    Yasamal İcra Hakimiyyətində Çernobıl əlilləri ilə görüş keçirilib

    2021-04-27

    Çernobıl qəzasının 35-ci ildönümü ilə əlaqədarYasamal rayon İcra Hakimiyyətində Çernobıl əlilləri və onların qazi övladları ilə görüş keçirilib.Görüşü giriş sözü ilə açan Yasamal rayon İcra Hakimiyyətinin başçısı Elşad Həsənov xatırladıb ki, 1986-cı ildə Çernobıl AES-dəki faciə qurbanlarına yardıma tələsən minlərlər azərbaycanlı xilasedici ağır radiasiyaya məruz qaldı. Yüksək şüalanmaya məruz qalan bu insanlar sonradan müxtəlif xəstəliklərə tutuldular.

  • Yasamal rayonunda daha bir ərazi abadlaşdırıla...

    Yasamal rayonunda daha bir ərazi abadlaşdırılacaq

    2021-04-27

    Yasamal rayonunda daha bir ərazinin abadlaşdırlması üzrə işlərə başlanılır. Bununla əlaqədar Yasamal rayon İcra Hakimiyyətinin başçısı Elşad Həsənov və Milli Məclisin üzvü Elnur Allahverdiyev Nəriman Nərimanov prospektində abadlaşdırılacaq məhəlləyə baxış keçiriblər.

  • Regionlarımızda dinamik iqtisadi inkişaf təmin...

    Regionlarımızda dinamik iqtisadi inkişaf təmin ediləcək

    2021-04-23

    Otuz ilə yaxın müddətdə hamı Vətən deyirdi, torpaqlarımızın işğaldan azad edilməsi üçün. İndi də hamı Vətən deyir, işğaldan azad edilmiş şəhərlərin, kəndlərin yenidən qurulması üçün. Zaman anlamında sabah da hamı Vətən deyəcək, yenidən qurulmuş şəhərlərin, kəndlərin dinamik inkişafı üçün...

  • Yasamal rayon Ağsaqqallar şurasının növbəti ...

    Yasamal rayon Ağsaqqallar şurasının növbəti hesabat-seçki konfransı keçirilib

    2021-04-23

    Yasamal rayon İcra Hakimiyyətində Yasamal rayon Ağsaqqallar şurasının növbəti hesabat-seçki konfransı keçirilib. Konfransı giriş sözü ilə açan Yasamal rayon İcra Hakimiyyətinin başçısı Elşad Həsənov qeyd etdi ki, ötən il Azərbaycan tarixinə qızıl hərflərlə yazıldı. Ali Baş Komandan cənab İlham Əliyevin komandanlığı ilə Azərbaycan ordusu işğalçı erməni ordusunu darmadağın etdi, Azərbaycanın ərazi bütövlüyü bərpa edildi və 30 illik işğala son qoyuldu. Elşad Həsənov Azərbaycan xalqının hər zaman cənab Prezidentin qətiyyət və cəsarətini, Azərbaycan hərbçilərinin mərdliyini qəlbində yaşadacağını vurğuladı.

  • Yasamal rayonunda pandemiya ilə mübarizə intens...

    Yasamal rayonunda pandemiya ilə mübarizə intensivləşib

    2021-04-12

    Koronavirus pandemiyasının yaratdığı təhlükənin qarşısının alınması istiqamətində profilaktik və təxirəsalınmaz tədbirlər paytaxtın Yasamal rayonunda fəal şəkildə həyata keçirilir. Yasamal rayon İcra Hakimiyyəti aparatının kollektivi ölkədə davam edən vaksinasiyada mütəşəkkil qaydada iştirak edir. “Azərbaycan Respublikasında COVID-19 xəstəliyi əleyhinə 2021-2022-ci illər üçün Vaksinasiya Strategiyası”na uyğun olaraq Yasamal rayon İcra Hakimiyyətinin başçısı Elşad Həsənov və aparatın əməkdaşları peyvənd olunublar. Peyvəndləmə iki dozalı olduğu üçün əməkdaşlar bir müddətdən sonra yenidən koronavirus əleyhinə peyvənd olunacaqlar.

  • Yasamalda şəhid ailələrinə dəstək davam edi...

    Yasamalda şəhid ailələrinə dəstək davam edir

    2021-04-10

    Vətən müharibəsinin şəhid ailələrinə dəstək olmaq məqsədilə bu günYasamal rayon İcra Hakimiyyətnin başçısı Elşad Həsənov və Azərbaycan Milli Elmlər Akademiyası Azad Həmkarlar İttifaqının sədri, professor Habil Qurbanov, Yasamal rayon İcra Hakimiyyəti Aparatının məsul işçiləri və AMEA Azad Həmkarlar İttifaqı Rəyasət Heyətinin üzvləri şəhid ailələrini ziyarət ediblər. Şəhid yaxınları ilə görüş zamanı onların qayğı və problemləri barədə ətraflı söhbət aparılıb. Şəhid ailələrinə ərzaq sovqatları təqdim edilib. Birgə təşkilatçılıq ilə Yasamal rayonundakı onlarla şəhid ailəsinə müxtəlif çeşiddə ərzaq paketləri paylanılıb.